
İqtisadiyyat
28.06.2025, 00:36
Türkiyə Bakı-Tbilisi-Qars layihəsinin səmərəliliyini artıracaq
Türkiyə əməkdaşlığı genişləndirməklə Bakı-Tbilisi-Qars layihəsinin səmərəliliyini artırmaq niyyətindədir.
Bunu İstanbul Konqres Mərkəzində təşkil olunan Qlobal Nəqliyyat Dəhlizləri Forumunda Türkiyənin xarici işlər naziri Hakan Fidan deyib.
Onun sözlərinə görə, Rusiya-Ukrayna müharibəsi və artan geosiyasi risklər fonunda Orta Dəhlizin əhəmiyyəti daha da artıb.
"Orta Dəhliz iqtisadi inkişaf və ticarətin şaxələndirilməsi üçün imkanlar yaradır. Bakı-Tbilisi-Qars dəmir yolu bu marşrutun mühüm tərkib hissəsidir", - Fidan bildirib.
Diplomat əlavə edib ki, Bakı-Tbilisi-Qars dəmir yolunun Orta Dəhlizin mühüm tərkib hissəsinə çevrilməsi Türkiyə, Azərbaycan və Gürcüstan arasında nümunəvi üçtərəfli əməkdaşlığın nəticəsidir.
Son xəbərlər
Ən çox oxunanlar
- Bu gün
- Bu həftə
- Bu ay