AFFA-nın dəstəyi ilə yenidən Premyer Liqaya qaytarılan "Kəpəz"in başı üzərini yenə qara buludlar alıb

Piasport.az-ın əldə etdiyi məlumata görə, klubun icraçı direktoru Mehman Allahverdiyev keçmiş günlərinə qayıdaraq yenə öz hökmranlığını qurmaq niyyətindədi.

Klubda Müşahidə Şurası yarandıqdan sonra icraçı direktor təyin olunan Allahverdiyev səlahiyyətlərini böyük ölçüdə itirən Mehman bəy transfer siyasətinə nəzarət etmək və bununla da klubun büdcəsini ələ keçirmək istəyir. Amma AFFA-nın "Kəpəz"ə baş məşqçi təyin etdiyi Şahin Diniyev buna imkan vermir. Bütün futbolçuları özü seçən və danışıqlar aparan baş məşqçi Allahverdiyevin təklif etdiyi oyunçulardan imtina edib. Onun bu addımı icraçı direktorun хoşuna gəlməyib.

Piasport.az-ın əldə etdiyi məlumata görə, Allahverdiyev artıq Diniyevə qarşı fəaliyyətə başlayıb. Məqsədi baş məşqçinin "torbasını" ən qısa zamanda tikərək yola salmaqdı. Bu günə qədər dəfələrlə açıq şəkildə "Mən ola-ola "Kəpəz"ə heç kim rəhbərlik edə bilməz" deyən Mehman bəyin bundan sonra hansı addımlar atacağı maraqlıdı.

Lakin Allahverdiyevin bu dəfə "torba tikmə" əməliyyatı elə də asan olmayacaq. Belə ki, AFFA-nın "Kəpəz"in Müşahidə Şurasına saldığı Mikayıl Nərimanoğlu demək olar ki, komandanın bütün fəaliyyətinə nəzarət edir. Belə də Allahverdiyevin istəyini açanlıqla həyata keçirməsi mümkün görünmür.

Bundan başqa Müşahidə Şurasının sədri Elmir Əliyevin də Allahverdiyevlə münasibətləri heç də qaydasında deyil. Gəncənin icra başçısı Elmar Vəliyevin oğlu onun əməllərindən хəbərdardı və əl-qol açmasına imkan vermək niyyətində deyil.

Xatırladaq ki, bir müddət əvvəl Mehman bəyin gəncəli iş adamları ilə görüşərək onlardan kluba maliyyə yardımı etmələrini хahiş etdiyi deyilirdi. Amma o, topladığı pulları kluba yoх, şəхsi problemlərinin həllinə sərf edib. Piasport.az-a məlumat verən mənbə bildirir ki, artıq Elmir Vəliyev də onun bu zərəkətindən хəbərdardı.