Türkiyədə yaşayan azərbaycanlı model Günay Musayeva Bakıya gəlib.

Axşam.az-a açıqlama verən model rol aldığı “Kod adı K.O.Z” filminin qala gecəsi ilə bağlı xəbər verib:
“Martın 22-də Nizami Kino Mərkəzində qala gecəsi baş tutacaq. Filmin yaradıcı heyəti də gələcək. Hazırda moda gecəsi üçün gəlmişəm. Ayın 16-da Türkiyəyə qayıdıb, 21-də yenidən Bakıya gələcəm. Ola bilsin oğlum Cahangircanı da gətirdim. Yeni serial təklifləri almışam. Sentyabrdan yayıma başlayacaq. İki ekran işidir: biri tarixi mövzudadır, digəri gizli agent. İkisindən birini qəbul edəcəm. Bilirsiniz ki, əsl peşəm jurnalistdir. Özümü peşəkar aktrisa hesab etmirəm, hələ dərslər alıram. Gələcəkdə qatil obrazını oynamaq istəyərdim”.

Türkiyəli aktyor, həyat yoldaşı Tolqa Kareldən danışan Günay “Ayrılmağımızı gizlətməyə çalışsam da, alınmadı. Çox söz yazdılar. Amma danışmamaq qərarına gəlmişəm. Mənim şəxsi həyatım ancaq oğlumdur. Yeni danışmağa başlayır. Ona Azərbaycan dilini öyrədirəm. Bircə onu deyim ki, şəxsi həyatım yolunda deyil” deyə bildirib.

Model plastik əməliyyatdan da bəhs edib:

"Dodağımda slikon var idi, onu çıxartdırdım. Plastik əməliyyata qarşı deyiləm. Amma hələ yaşım azdır. Zamanı gələndə etdirəcəm".