OKTAPOD SAHİBSİZ SAHİBKARLAR
(I yazı) “Mənə məlum olmayan nöqsanları tapıb açıqlayan hər bir jurnalistə minnətdar olacağam” İlham Əliyev AR Prezidenti
Bu yaxınlarda Binəqədi rayon Azadlıq prospektindəki hadisə,çoxmərtəbəli yaşayış binasının yanması cənab Prezidentimiz başda olmaqla hamını kədərləndirdi.Və hamını bir sual narahat elədi: “görəsən günahkar kimdir?”
2015 1-ci Avropa oyunlarınn keçirilməsi ilə əlaqədar bütün dünyanın diqqəti bizdədir.Bizi istəyənlər də var,istəməyənlər də..Bu ərəfədə hər cür təxribatlar da istisna deyil. Odur ki,olduqca ayıq-sayıq olmalıyıq! Ehtmallardan biri də bu idi…
Birmənalı şəkildə bəllidir ki,binanın keyfiyyətsiz materialla üzlənməsi ilə bağlı müvafiq sənədlərə imza atanlar bu hadisədə məsuliyyət daşıyırlar.Bu işdə heç bir səlahiyyəti olmayan zavallı şəxsləri günahlandırıb sızıldatmaq yox,əsas fiqurları ortaya çıxarıb şapatdamaq lazımdır.Uıu Öndərin çox dahiyanə şəkildə demişdi:”Dövlət iki şeydən sarsıla bilər;Günahkar cəzasız qalanda və günahsız cəzalandırılanda!”
Bu binanın yanması ilə təkcə sakinlər xəsarət almadılar.Onlarla bahəm sahibkarlar da diri-diri yandılar,cızdağları çıxdı..Bu maddi-mənəvi yanğı idi.Və bunu cənab Prezidentdən başqa hec kəs görmədi və nəzərə almadı…
Heç kəsə sir deyil ki,10 milyonluq əhalinin bütün ağırlığı cənab Prezidentin və sahbkarların üzərinə düşür..Sahibkarlar ölkənin bar verən ağaclarıdır..Bu ağacları budamaq yox,onun qol-budaq atmasına kömək etmək lazımdır..Sahibkarlığın inkişafına,süni maneələrin aradan qaldırılmasına cənab Prezident həmişə qayğı və həssaslıqla yanaşır..Bəs sahibkardan alınan vergi və gizli rüşvət hesabına “ucda yeyib,qıraqda gəzən” bəzi məmurlar nə düşünür? Yoxsa zəli kimi son damla qanını sovurmamış sahibkarın belindən düşmək istəmir?!Hər hansı binanın təməli qoyulanda “məsçid hazır olmamış kor əsasını söykədiyi kimi” o gəlir ver!bu gəlir ver!
Bu hadisə ilə bağlı cənab Prezidentin tapşırığı ilə xüsusi komissiya yaradıldı.Günahkarların müəyyən edilib cəzalandırılması və yanğına həssas materiallarla üzlənmiş binaların yenidən sökülüb daha keyfiyyətrli materiallarla üzlənməsi barədə maddi məsul şəxslərə xüsusi tapşırıqlar verildi...
Təbii ki,dövlət vəsaiti ilə tikilən binaların yenidən sökülüb üzlənməsi dövlət büdcəsi hesabına həyata keçirilir.Bəs,banklardan ağır şərtlər daxilində pul götürüb güc bəla ilə tikintini başa çatdıran sahibkar neyləməlidir?Axı o son qəpiyini də binanın yekun işlərinə,vergi orqanlarına və digər gedib- gələn qolu papkalılara xərcləmişdi?Sahibkarın günahı nədir? Binaların üzlənməsi üçün zəruri olan materiallara lazımi instansiyalar qol çəkib,hər cür uyğunluq setifikatı verib...Sahibkar da məmurların verdiyi bu sertifikatlara inanıb.Sual olunur burda sahibkarın günahı nədir? Niyə sahibkar yenidən borca düşməli,banklara ağız acmalı,ən son anda”dvoynik” olmalı,ölkədən qaçmalı və ya intihara cəhd etməlidir?! Sahibkarlardan yığılan vəsaitlər hesabına formalaşan Sahibkarlar Konfederasiyasının,Həmkarlar Təşkilatlarının niyə səsi çıxmır? Yoxsa onlar da yanmış binanın tüstüsündə boğulublar?!
Gözəl qanunlarımız var.Və bu qanunlarla hamı kimi sahibkarların da hüquqları qorunur.Amma bəzi məmurlar bu qanunların işlək mexanizmə çevrilməsinə imkan vermirlər...Ən azı ona görə ki,qanunlar işləsə bəzi məmurlar ac qalacaqlar...Ona görə də onlara qanunların kristal deyil,digər iki aqreqat halı daha artıq sərf edir....
Yəqin ki,cənab Prezident zəhmətkeş sahibkarların zəhmətini dəyərləndirəcək və onların minbir əziyyətlə üzlətdiyi binaların sökülüb yenidən davamlı materiallarlarla üzlənməsini dövlət vəsaiti və ya günahkarların şəxsi vəsaiti hesabına üzlətdirilməsi barədə müvafiq göstəriş verəcəkdir...Biz cənab Prezidentin ədalətinə və prinspiallığına dərindən inanırıq! Yaşasın İlham Əliyev!
(Oktopod silsiləsindən yazılar davam edəcək!Bizi izləyin…)
Əmir ƏRƏSTUNOĞLU
Yazıçı_publisist,AJB üzvü, ”Qızıl Qələm” mükafatı laureatı
Son xəbərlər
Ən çox oxunanlar
- Bu gün
- Bu həftə
- Bu ay