Bu gün UEFA Avropa Liqasındakı təmsilçilərimiz qrup mərhələsində son oyunlarını keçirəcək. "Qəbələ"dən fərqli olaraq, "Qarabağ"ın növbəti mərhələyə çıxmaq şansı qalır.
Publika.az-ın məlumatına görə, Qurban Qurbanovun komandası qrup lideri olan İtaliyanın "Fiorentina" klubunu qəbul edəcək.
Ağdam təmsilçisi qalib gələcəyi halda PAOK - "Slovan" matçının nəticəsindən asılı olmayaraq 1/16 finala çıxacaq. Özü də çempionumuz buna qrupda 1-ci yeri tutmaqla nail olacaq.
"Qarabağ" heç-heçə edəcəyi halda da adını növbəti mərhələyə yazdıra bilər. Bunun üçün Saloniki təmsilçisinin evdə qalib gəlməməyi lazımdır.
Florensiya klubuna isə qrupdan çıxmaq üçün bərabərlik da yetərlidir. İtalyanlar Bakıda uduzacaqları halda da pley-offa yüksələ bilər.
8 dekabr
Avropa Liqası, qrup mərhələsi, VI tur
J qrupu
20:00. "Qarabağ" (Azərbaycan) - "Fiorentina" (İtaliya)
Baş hakim: İvan Bebek
Yan xətt hakimləri: Tomislav Petroviç, Miro Qrqiç
Əlavə köməkçi hakimlər: Ante Vuçemiloviç-Simunoviç, Qoran Qabrilo
Dördüncü hakim: Qoran Pataki (hamısı Xorvatiya)
Hakim-inspektor: Vasili Melniçuk (Ukrayna)
UEFA nümayəndəsi: Maykl Zoratti (Avstriya)
Bakı. Tofiq Bəhramov adına Respublika stadionu
***
“Maynts” (Almaniya) – “Qəbələ”
Maynts Arena. Saat 22.00
Baş hakim: Li Evans
Baş hakimin köməkçiləri: Qaret Cons, Lyuis Eduards
Əlavə köməkçi hakimlər: Brayn Markhem-Cons, Nik Pret
Dördüncü hakim: Daniel Beket
(Hakimlər briqadası Uelsdəndir)