Azərbaycan Respublikasının prezidenti
İlham Əliyev cənablarına

Surəti: Azərbaycan Respublikasının birinci vitse prezidenti Mehriban xanım Əliyevaya

Surəti: Azərbaycan Respublikasının Milli Məclisinin sədri Sahibə xanım Qafarovaya

Surəti: Azərbaycan Respublikasının baş naziri cənab Əli Əsədova

Surəti: Azərbaycan Respublikasının baş prokuroru cənab Kamran Əliyevə

Surəti: Azərbaycan Respublikasının kənd təsərrüfatı naziri cənab İnam Kərimova

Surəti: İnterxəbərin baş redaktoru cənab loğman Əliyevə

Sabirabad rayonu Şəhriyar kənd sakini Əhədov Abuzər Fərrux oğlu tərəfindən sayı bilinməyən

Şikayət

Nə qədər yazırsan yaz bu dünya düzəlmir ki, düzəlmir, cənab prezident! Bu günlər sizlərin ən gərgin işlədiyiniz günlərdir.
Buna görədə sizlərdən dönə- dönə üzr istəyirəm mən canımı sizin yolunuzda verməyə belə hazıram.
20 ildən sonra tapdığım üç oğul bir qızla övladlarımla sizə görə ön cəbhəyə bele getmeye hazırıq. Lakin son dərəcə çarəsiz qalmışıq.
Ona görə sizləri narahat etmek məcburiyyətindəyik
YAP- çıyam mərhələ- mərhələ azadlığım və hüquqlarım pozulur.
Mənə vaxtilə edilən zülmləri indi isə övladrımın başına gətirirlər mən 20 il quşçuluq stansiyasının rəhbəri, kolxoz sədri, kənd icra nümayəndəsi, 16 il kənd poçtunun müdiri işləmişəm 48 il əmək fəaliyyətim vardır.
Harada işləmişəmsə vicdanla xalqımıza xidmət etmişəm.
İlk ailəm sonsuzluqdan dağılıb. Daha sonra 43 yaşımda ikinci dəfə ailə qurmuşam.
Kasıbçılıqdan övladlarımı ali məktəbdə oxuda bilmədim son dərəcə kasıb yaşayırıq.
Buna görədə oğlanlarıma sürücülük, traktorçuluq, peşə təhsili verə bildim.
Bu yaxınlarda oğlanlarıma regional laqostik mərkəzdən iki ədəd yararsız kombayn verilmişdi.
Çarəsizlikdən borc götürərək həmin texnikaları təmir etdirdik.
Pandemiya dövründə susuz qalan Muğan torpağı əkilmiş taxılı ota çərənə çevirdi.
Həmin zəmi biçilərək götürülən məhsul məcburiyyət qarşısında heyvanlara verildi.
Laqostik mərkəzin direktoru Məqatil Yunusov oğlanlarımı aldadaraq müqaviləyə qol çəkdirib. Artıq onları təhlükə gözləyir.
Mən M.Yunusovdan pambıq dərən istədim ki, götürüb işlədərək öhdəliyidə verək, öz dolanşığımızıda təmin edək.
Lakin harınlamış məmur Yunusov xahişimə məhəl qoymadı.
Onun Bakı şəhərində - Badamdartda, aeroport yolunda, rayonumuzda daşınmaz əmlakları mövcuddur.
Bundan başqa şadlıq sarayı ayrı- ayrı yerlərdə
5 avto hissələr satılan maqazini, yağ dəyişmə sexi fəaliyyət göstərir.
Qəribədirki, M.Yunusov bu qədər əmlakları yaxınlarının adına rəsmiləşdirib
Bundan əvvəl beş dəfə rayon elektirik şəbəkəsinin rəisi işləyib.
Özünün dediyinə görə prezident administrasiyasında belə yüksək vəzifədə adamları vardır.
Var dövlətini hesablamaqda məndə hamı kimi çətinlik çəkirəm.
O aqrolizinqi döndərib texnika məzarlığına təzə texnikaları sökdürüb hissə- hissə satdırır.
Deyir ki, Ağanəzərəm belə gəzərəm ged istədiyin yerə şikayət et, Abuzər heç kimi vecimə almıram.
Şəhriyarın yerli icra nümayəndəsinin iştirakı ilə kombaynlara baxış keçirib 5100 manat xərc çəkdiyimiz barədə akt tərtib etmişik.
M.Yunusov deyib ki, əgər mən deyənə qol çəkməsəniz sizə daha texnika vermiyəcəm.
Məndə cavab olaraq söylədim ki, bu ölkə, xalqımız sahibsiz deyil ki,
İstədiyini edəsən.
O, 73 yaşım olmağına baxmayaraq üzərimə hücum edərək məni vurdu.
Xahiş edirəm bu harın Məqatil haqqında tecili və hüquqi tədbirlər görəsiniz idarənin fəaliyyətinin yoxlanılmasını və mənim iştirakımın təmin edilməsini sizlərdən artıq dərəcədə rica edirəm.
Sizlərə acizanə halda güvənirik.