təmin oluna, tərəflər iştirak edə bilərlər. Təbii ki, Almaniyanın iştirakı Azərbaycan üçün normaldır. Çünki Almaniya Azərbaycanla dost tərəfdaş dövlətdir.

Almaniya 30 ilə yaxın işğal dövründə Ermənistanın işğalçılıq siyasətinə qarşı birmənalı mövqe sərgiləyib. Rəsmi Berlin həmişə bəyan edib ki, Azərbaycanın ərazi bütövlüyünü tanıyır. Güc tətbiq etməklə sərhədlərin dəyişməsi Azərbaycan üçün məqbul deyil və Almaniyanın da bu prosesə müdaxilə etməsi Fransanın mövqeyini qismən də neytrallaşdırmaq məqsədi daşıyır. Almaniya özü də çox yaxşı başa düşürdü ki, Fransanın müdaxiləsi proseslərə mənfi istiqamətə doğru apara bilər.

Bütövlükdə Brüssel formatı bərpa olunub. Bu görüş də bilavasitə onun nümunəsidir və üçtərəfli xarakter daşıyır: Aİ-Azərbaycan-Ermənistan. Burada söhbət vasitəçilikdən getmir. Sadəcə, Şarl Mişel prosesdə dəstəkləyici rolda və funksiyada çıxış edir. Brüssel sülh gündəliyinin əsasını məhz Ermənistanla Azərbaycan arasında münasibətlərin normallaşması, sülh müqaviləsinin imzalanması və kommunikasiyaların bərpası təşkil edir. Bu görüşdə humanitar məsələlər, Azərbaycanın üzləşdiyi mina problemi, itkin düşmüş şəxslər problemi də aktual xarakter daşıyır.