Almaniyanın iqtisadiyyat naziri, vitse-kansler Robert Habek ölkənin şist qazının hasilatı və Rusiya qazından imtina edilməsi ilə bağlı planlarını açıqlayıb.

Habek Almaniyanın şist qazı hasilatı planlarını təkzib edib. Onun fikrincə bu, ölkənin ekologiyası üçün mənfi nəticələrə səbəb ola bilər və bu səbəbdən Berlin Rusiya qazından dərhal imtina etməyə hazır deyil.


“Qaza təcili şəkildə embarqo qoyularsa, bu, Almaniyada sosial nizamı təhlükə altına sala bilər” – deyə siyasətçi fikrini izah edib.

Nazir əlavə edib ki, Almaniyada şist qazının böyük ehtiyatları var, lakin onun hasilatı üçün hidravlik qırılma proseslərinin həyata keçirilməsi tələb olunur ki, mədən yerlərinin işlənməsi və bu fəaliyyət üçün icazələrin alınması isə illər çəkəcək.

“Su Ehtiyatları Qanununa əsasən bu çətindir, belə ki, hasilatın bu üsulu ətraf mühit üçün mənfi nəticələrə səbəb ola bilər. İndi bizim bu fəaliyyətlə məşğul olmaq istəyən heç bir müəssisəmiz yoxdur”, – deyə Habek fikrini yekunlaşdırıb.

Habek bundan əvvəl Rusiya qazından imtina edilməsinin sosial sülhə yaradacağı təhlükə barədə danışmışdı. Eyni zamanda o, Almaniyanın “çox yaxşı irəlilədiyini” də qeyd etmişdi.

Mənbə: Lenta.ru