Xəbər verdiyimiz kimi, iyunun 24-dən Ümumdünya Gömrük Təşkilatının (ÜGT) Gömrük Əməkdaşlıq Şurasının 138-ci sessiyası keçirilir.

Azərbaycan Respublikasını Dövlət Gömrük Komitəsi (DGK) Mətbuat və İctimaiyyətlə Əlaqələr İdarəsindən verilən məlumata görə, bu gün sessiya öz işini yekunlaşdırıb.

Onlayn formatda keçirilən sessiyada Azərbaycan Respublikasını Dövlət Gömrük Komitəsi sədrinin birinci müavini, gömrük xidməti general-leytenantı İsmayıl Hüseynov təmsil edib.

Sessiyanın açılış mərasimində ÜGT Şurasının sədri Əhməd Əl Xəlifə iclasda müzakirə olunan məsələlər barədə məlumat verib, daha sonra isə ÜGT Baş katibi Kunio Mikuriyanın 2020/2021-ci illərin Strateji Planının icrası istiqamətində həyata keçirilən fəaliyyətlərə dair ən son yeniliklərlə bağlı hesabatı dinlənilib.

Üç gün davam edən sessiya çərçivəsində Potensialın gücləndirilməsi istiqamətində əldə olunan nailiyyətlər, Tarif və ticarət əlaqələri, Siyasət və idarəçilik, Büdcə və maliyyə və digər məsələlərlə bağlı müzakirələr aparılıb, eləcə də Gömrük Əməkdaşlıq Şurasının rəhbərliyinə seçkilər keçirilib. Əhməd Əl Xəlifə növbəti dəfə ÜGT Şurasına sədr seçilib.

Sessiyanın bağlanış mərasimində çıxış edən ÜGT Baş katibi Kunio Mikuriya COVID-19 pandemiyası dövründə gömrük orqanlarının səmərəli fəaliyyətinə, faydalı müzakirələrə və irəli sürülən konstruktiv təkliflərə görə təşəkkürünü bildirib. Kunio Mikuriya, eyni zamanda Azərbaycan gömrüyünün ÜGT-nin Avropa Regionuna rəhbərliyi dövründəki fəaliyyətini, xüsusilə yüksək qiymətləndirib. Baş katib bildirib ki, pandemiya dövrünün çətinliklərinə rəğmən əməkdaşlığın gücləndirilməsi, gömrüyün gələcək inkişafı üçün faydalı qərarların qəbul olunması istiqamətində mühüm addımlar atılıb.

Dövlət Gömrük Komitəsi sədrinin birinci müavini İsmayıl Hüseynov da sessiyada çıxış edərək, müzakirə olunan məsələlərin gömrük işinin səmərəliliyinin artırılmasına, əməkdaşlığın gücləndirilməsinə, əldə olunan qabaqcıl təcrübələrin öyrənilməsinə və tətbiqinə fayda verəcəyinə əminliyini ifadə edib. İsmayıl Hüseynov Əhməd Əl Xəlifəni növbəti dəfə Gömrük Əməkdaşlıq Şurasına sədr seçilməsi münasibətilə təbrik edib və ona uğurlar arzulayıb.

Xatırladaq ki, ÜGT Avropa Regionu Gömrük Xidməti Rəhbərlərinin konfransı çərçivəsində Azərbaycan Respublikası Dövlət Gömrük Komitəsinin Avropa Regionunun Şərq qrupu tərəfindən ÜGT-nin Siyasi Komissiyasına namizədliyi irəli sürülmüşdü. Gömrük Əməkdaşlıq Şurasının 138-ci sessiyasında keçirilən seçkilər zamanı ÜGT-nin Avropa Regionuna sədrlik etdiyi dövrdə səmərəli fəaliyyətinə görə Azərbaycan gömrük xidmətinin 2021-2023-cü illər üzrə Siyasi Komissiyaya üzvlüyü yekdilliklə təsdiqlənib.

Son xəbərlər

Ceyhun Bayramov ilə Yakov Blitşteyn arasında görüş keçirilib

Netanyahu girovlarla bağlı yaranan şəraitdən danışdı

Ərdoğan Ersin Tatarın Şuşada Zirvə görüşünə qatılmasından DANIŞDI

Əsəd: "Suriya Türkiyə ilə münasibətlərin normallaşdırılmasına müsbət yanaşır"

Ərdoğan: "Türkiyə ŞƏT-ə tamhüquqlu üzv olmağa hazırlaşır"

Yaşar Gülər: "Türkiyə Qara dəniz hövzəsinin hərbi arenaya çevrilməsinə icazə verməyəcək"

Hakan Fidan Azərbaycanı təbrik etdi

Hikmət Hacıyev Şuşadan paylaşım edib

Makronun erkən seçki ilə bağlı təşəbbüsü uğursuzluğa məhkumdur

Qardaşının klinikada öldürüldüyünü deyən şəxs prokurorluqdan NARAZIDIR

Pakistanın baş naziri Prezident İlham Əliyevə zəng edib

Zaxarova: "Rusiya-Ermənistan münasibətlərinin pozulmasına çox cəhdlər olub"

Universitetlərə qəbul planının sayı açıqlandı

Azərbaycan-Misir münasibətləri qədim tarixi köklər əsasında inkişaf edib.

Fransa müxalifətindən Makrona qarşı BİRLİK ÇAĞIRIŞI

Azərbaycan-Misir münasibətləri inkişafının yeni mərhələsinə qədəm qoyub

Azərbaycan və Türkiyə prezidentləri Ankaranın Esenboğa Hava Limanında görüşüblər

Misirin dəstəyi ilə Azərbaycan dörd il ərzində Qoşulmama Hərəkatına sədrlik etmişdir

İlham Əliyev: "Macarıstan Avropa İttifaqındakı bir nömrəli tərəfdaşımızdır"

ABŞ-Azərbaycan: Ağ Ev "təmas xətti"ni dəyişmək istəyir

İraq və Suriyanın şimalında 16 PKK terrorçusu zərərsizləşdirilib

Hikmət Hacıyev mina qurbanlarının son sayını açıqlayıb

Makron Rusiyaya hərbi zərbələri dəstəklədi

G7 İrana çağırış etdi

Milli Məclis İlham Əliyev və Mehriban Əliyevanı Müstəqillik Günü münasibətilə təbrik edib

Makron Yeni Kaledoniyaya səfər edib

İlham Əliyevin Emoməli Rəhmon ilə təkbətək görüşü başlayıb

Azərbaycan nefti ucuzlaşıb

Prezident İlham Əliyev Volodimir Zelenski ilə regional təhlükəsizlik məsələlərini müzakirə edib

Notarius Daxil Kərimovun fırıldaqlarını kim ifşa edəcək?

Rəisinin ölümü Xameneinin oğluna yol açdı

İlham Əliyev Rəisinin ölümü ilə bağlı başsağlığı verdi

Tehranda təhlükəsizlik səviyyəsi artırılır

Bütün xəbərlər