“Nüvə sazişilə bağlı danışıqlar özü-özlüyündə məqbuldur. Lakin İran elə bir danışıqları qəbul edir ki, sanksiyalara son qoysun və İranın haqqlarını təmin etsin.”

SalamNews İRNA-a istinadla xəbər verir ki, bunu İranın xarici işlər naziri Hüseyn Əmir-Abdullahiyan almaniyalı həmkarı ilə telefon təmasında olan zaman deyib.

Almaniyalı həmkarının İranı nüvə danışıqlarına qayıtmağa çağırmasına cavab verən Abdullahiyan bildirib ki, bu danışıqlar başlayacaq.

Lakin o, danışıqların nəticə verməsini və İranın hüquqlarının təmin edilməsini istəyib.

Qeyd edək ki, İran XİN rəhbəri ötən gün fransalı həmkarı ilə telefom təması zamanı da danışıqlarda İranın hüquqlarının təmin edilməsini istəyib.

Xatırladaq ki, tərəflərin nüvə sazişinə qayıtmaları haqda Vayanada keçirilən danışıqlar İranda prezident seçkilərinin keçirilməsinə görə dayanıb. Bu danışıqların sentyabr ayının orta ya da axırlarında başlanacağı deyilir.