Sabah Türkiyə Prezidenti Rəcəb Tayyib Ərdoğan Azərbaycan Prezidenti İlham Əliyevin dəvəti ilə Qarabağa səfər edəcək.

Bu barədə Türkiyə Prezident Administrasiyasının Kommunikasiya İdarəsinin rəhbəri Burhanəddin Duran məlumat verib.

B.Duran bildirib ki, Azərbaycanın Zəfər Günü münasibətilə baş tutacaq səfər çərçivəsində prezidentlər ikitərəfli görüş keçirəcəklər. Bu kontekstdə onlar Türkiyə-Azərbaycan əməkdaşlığının müxtəlif aspektlərini nəzərdən keçirəcək, həmçinin regional və qlobal proseslər ətrafında fikir mübadiləsi aparacaqlar.

Qeyd edək ki, daha öncə Türkiyə Prezidenti Rəcəb Tayyib Ərdoğan Azərbaycana səfəri ilə bağlı açıqlama vermişdi.