İran hava məkanını qismən açıb və bəzi hava limanlarının fəaliyyətini bərpa edib.

Bu barədə "Tasnim" agentliyi ölkənin Mülki Aviasiya İdarəsinə istinadla məlumat yayıb.

"İranın hava məkanının şərq hissəsindəki marşrutlar beynəlxalq reyslər üçün açıqdır", - qurumdan bildirilib.

Qeyd edək ki, ABŞ və İran arasında 8 apreldə iki həftəlik atəşkəs razılaşması əldə edilib və bununla da 28 fevraldan başlayan hərbi əməliyyatlar dayanıb.