BNA VƏ BAKI BUS ƏMƏKDAŞLARINA VAKSİN VURULDU » İnterxəbər.Az
interxeber.az » Bölgə » BNA VƏ BAKI BUS ƏMƏKDAŞLARINA VAKSİN VURULDU


BNA VƏ BAKI BUS ƏMƏKDAŞLARINA VAKSİN VURULDU

19-04-2021, 14:54
Oxunub: 428
Çap et
Bakı Nəqliyyat Agentliyi TƏBİB-lə birgə ictimai nəqliyyat sektorunda hərəkətin əsas təminatçılarının vaksinasiyasını davam etdirir. Agentlikdən verilən məlumata görə, ümumilikdə 1600 nəfərdən artıq əməkdaşın vaksin olunması nəzərdə tutulub. Onlardan bir qismi artıq peyvəndin hər iki dozasını alıb. Əməkdaşlara Çin istehsalı olan “Sinovac” şirkətinin "CoronaVac" vaksini vurulur.

Həyati əhəmiyyətli sahə olaraq sərnişindaşımalarda dayanıqlılığın təmin olunması baxımından vacib məsələlərdən biri də əməkdaşların sağlamlığının qorunmasıdır. Bunu nəzərə alaraq koronavirus infeksiyasına yoluxma riskini azaltmaq üçün ardıcıl qabaqlayıcı tədbirlər görülür. Bunun sayəsində pandemiya ərzində hər hansı bir marşrut xəttinin və ya istehsalat bazasının yoluxma səbəbindən fəaliyyətinin dayandırılması riski yaranmayıb.
Reytinq: