ABŞ İrana öz gücünü nümayiş etdirdi: Yaxın Şərqə içində raketlər olan sualtı qayıq göndərdi - FOTO

“ABŞ Qırmızı dənizə idarəolunan raketlərə malik sualtı qayıq göndərib. Bu, İran tərəfdarı olan döyüşçülərin bütün Yaxın Şərqdə ABŞ mövqelərinə son hücumlarına cavab olaraq açıq şəkildə güc nümayişidir”.

Bu barədə ABŞ hərbçilər açıqlama veriblər.

150-dən çox “Tomahavk” qanadlı raket daşıya bilən “USS Florida” sualtı qayığı bölgəyə yola düşüb.

Bu səfər Pentaqonun bölgədəki qüvvələrinin gücləndirilməsi üzrə geniş tədbirlər çərçivəsində həyata keçirilir və İranın dəstəklədiyi qüvvələrin ABŞ-yə və müttəfiqlərinə qarşı növbəti hücumlarının qarşısının alınması məqsədi daşıyır.

Sualtı qayıqların hərəkəti barədə məlumatlar az hallarda ictimaiyyətə açıqlanır. ABŞ rəsmiləri, həmçinin bildiriblər ki, İranın tezliklə bütün region üzrə daha çox hücumlar həyata keçirmək niyyətində olduğuna dair kəşfiyyat məlumatlarına malikdirlər.