Qəbələdə meşə zolağında yanğın söndürülüb – YENİLƏNİB
Interxeber.Az-ın Fövqəladə Hallar Nazirliyinin (FHN) saytına istinadən verdiyi xəbərə görə, avqustun 28-də Qəbələ rayonunun Tikanlı kəndində meşə zolağında baş vermiş yanğınlar saat 17:00-da söndürülüb. Yanğınlar nəticəsində 3 ha ərazidə quru ağaclar və kol-kos yanmışdır. Meşə ərazisi yanğından mühafizə olunub.

Qeyd edək ki, yanğınsöndürmə işlərində Fövqəladə Hallar Nazirliyinin Dövlət Yanğından Mühafizə Xidmətinin qüvvə və vasitələri, Aviasiya dəstəsinin yanğınsöndürmə helikopteri, Mülkü müdafiə qoşunlarının şəxsi heyəti iştirak edib.

12:15

Qəbələdə meşə zolağında baş vermiş yanğınlar nəzarətə götürülüb.

Oxu.Az-ın Fövqəladə Hallar Nazirliyinin saytına istinadən verdiyi məlumata görə, Qəbələ rayonunun Tikanlı kəndində meşə zolağında yanğınlar baş verib.

Alovun yayılmasının qarşısı alınıb, yanğınlar nəzarətə götürülüb.

Fövqəladə Hallar Nazirliyinin müvafiq qüvvə və texnikası tərəfindən söndürmə işləri davam etdirilir.

Əlavə məlumat veriləcək.