Rusiyanın hücumu nəticəsində Kiyevin sol sahilində 2167 ailə işıqsız qalıb.

Bu barədə DTEK şirkəti məlumat yayıb.

“İşığı hər bir evə mümkün qədər tez qaytarmaq üçün əlimizdən gələni edirik”, - deyə şirkətdən bildirilib.

Xatırladaq ki, iyun ayının 6-na keçən gecə Ukraynanın paytaxtı Rusiyanın raket və dron hücumuna məruz qalıb. Zərbələr nəticəsində mülki infrastruktur obyektləri, yaşayış binaları, avtomobillər və metro yolları zədələnib. Dörd nəfər həlak olub, 20 nəfər yaralanıb.