Tehran Universiteti ətrafında tələbələr və vətəndaşların iştirakı ilə etiraz aksiyası keçirilir.

Bu barədə sosial mediada məlumat yayılıb.

Məlumata görə, aksiyanın qarşısını almaq üçün universitet və ora aparan yollara çox sayda polis qüvvələri cəlb olunub. Təsdiqlənməmiş məlumatlara görə, bir neçə tələbə həbs edilərək naməlum yerə aparılıb.

Qeyd edək ki, bundan əvvəl ev həbsində olan “Yaşıl hərəkat”ın rəhbərlərinin sərbəst buraxılması tələbi ilə etiraz aksiyasına çağırış edilib. Çağırışçı və aksiya təşkilatçılarından 3-ü həbs edilib.