Türkiyənin xarici işlər naziri Mövlud Çavuşoğlu ölkənin milli müdafiə naziri Hulusi Akar və Milli İstihbarat Təşkilatının rəhbəri Hakan Fidanın dekabrın 28-də Rusiyaya səfəri zamanı İran təmsilçisinin də orada olub-olmaması ilə bağlı sualı cavablandırıb.

Onun sözlərinə görə, bu, Rusiyanın təşəbbüsü ilə keçirilən görüşdür.

“Bu, Türkiyə Prezidenti Rəcəb Tayyib Ərdoğanla Rusiya Prezidenti Vladimir Putinin razılaşdırılmış yol xəritəsinin bir hissəsidir. Burada İran yoxdur, amma İrandan gizli də nəsə yoxdur. İranın da rejimlə kəşfiyyat səviyyəsində danışıqlar aparmaq cəhdləri olub. Nəticədə biz burada İrana birbaşa məlumat verməmişik”.

İran Prezidenti İbrahim Rəisinin Türkiyəyə təxirə salınan səfəri ilə bağlı Çavuşoğlu bildirib:

“Rəisinin səfəri İran tərəfinin istəyi ilə təxirə salındı. Xarici işlər naziri Hüseyn Əmir-Abdullahian mənə zəng edərək görüşün təxirə salınmasını və yeni ildə həyat keçirilməsini və bizdən tarix verməyimizi istəyib”.

Qeyd edək ki, dekabrın 28-də Moskvada son 11 ildə ilk dəfə Türkiyə və Suriyanın müdafiə nazirliklərinin rəhbərləri bir araya gəliblər. Görüş Rusiyanın müdafiə naziri Sergey Şoyqunun iştirakı ilə üçtərəfli formatda keçirilib.

Mənbə: TRT Haber