Ruslar Kiyevin müdafiəsini yarmağa çalışır
12 Punto 14 Punto 16 Punto 18 Punto
Otuz üç gündür ki, Ukrayna ordusu Rusiyanın işğalını dayandırır. Müdafiə qüvvələrinin qruplaşması Şərq, Cənub-Şərq və Şimal-Şərq istiqamətlərində müdafiə əməliyyatını davam etdirir.

Bu barədə Ukrayna Silahlı Qüvvələrinin Baş Qərargahı məlumata yayıb.

Qeyd olunur ki, Topolskoye, Kamenka, Suxaya Kamenka yaşayış məntəqələri ərazilərində müdafiə döyüşləri davam edir:

“Avdeyevka istiqamətində Ukrayna əsgərləri Verxnetoretskoye yaşayış məntəqəsi ərazisində işğalçıların hücumunu dəf edirlər. Cənubda qüvvələrimizin əsas səyləri Krivoy Roq, Zaporojye və Nikolayev şəhərlərində müdafiə tədbirlərinin təşkilinə, dəniz sahilinin müəyyən hissələrinin saxlanılmasına, mühüm infrastruktur obyektlərinin mühafizəsinə və müdafiəsinə yönəldilib”.