Səudiyyə Ərəbistanı Ukrayna prezidenti Vlodimir Zelenskinin davam edən Rusiya işğalı zamanı ölkəsində sülh planını müzakirə etmək üçün sammitə ev sahibliyi etməyə hazırlaşır.

Zelenskinin aparat rəhbəri Andrey Yermak bazar günü Səudiyyə Ərəbistanı sammitində bir neçə ölkədən rəsmilərin iştirak edəcəyini bildirib, lakin görüşün nə vaxt və hansı şəhərdə keçiriləcəyini açıqlamayıb.

Ukrayna rəsmisi bildirib ki, Səudiyyə Ərəbistanı görüşündə Kiyev bütün Rusiya qoşunlarının çıxarılmasını tələb edən 10 bəndlik sülh formulasını müzakirə edəcək.

"The Wall Street Journal" danışıqların avqustun 5 və 6-da Ciddədə keçiriləcəyini, təxminən 30 ölkənin iştirak edəcəyini bildirib.

Nəşrin məlumatına görə, Ukrayna və Qərb rəsmiləri səylərin bu ilin sonunda qlobal liderlərin müharibənin həlli üçün ümumi prinsipləri imzalayacağı sülh sammiti ilə nəticələnəcəyinə ümid edirlər.

Qeyd edək ki, bundan əvvəl Ukrayna 10 bəndlik sülh düsturunu Ukraynanın ərazi bütövlüyünün bərpası, Rusiya qoşunlarının çıxarılması, bütün məhbusların azad edilməsi, hücuma görə məsuliyyət daşıyanların məhkəməsi və Ukraynanın təhlükəsizliyinə zəmanət kimi müəyyən etmişdi