Xəbər verdiyimiz kimi, bu gün Prezident İlham Əliyev yerli və xarici media nümayəndələri üçün mətbuat konfransı keçirib.

Azərbaycan Prezidentinin köməkçisi - Prezident Administrasiyasının Xarici siyasət məsələləri şöbəsinin müdiri Hikmət Hacıyev “Haber Global”a mətbuat konfransı haqqında danışıb.

O bildirib ki, mətbuat konfransında 50-dən artıq müxtəlif media mənsubu iştirak edib.

“Cənab prezident gərgin iş qrafikinə baxmayaraq, bu mətbuat konfransına vaxt ayırdı. Konfransda prezident 35 müxbirin verdiyi 50-yə yaxın suala cavab verdi. Düşünürəm ki, bu qəbildən olan dialoqlar çox vacibdir. İlk növbədə bu, ölkəmizin həqiqətlərinin cənab prezident tərəfindən yeridilən daxili və xarici siyasətin beynəlxalq ictimaiyyətin diqqətinə çatdırılması baxımından çox vacib əhəmiyyət kəsb edir”.