Aprelin 19-da futbol üzrə İngiltərə Premyer Liqasının Şərəf zalı açılacaq.

“Sky Sports” xəbər verir ki, Şərəf zalında liqanın yaradıldığı 1992-ci ildən bəri onun tarixində iz qoyan futbolçuların adları əks olunacaq.

Futbolçuüların seçimi üçün meyar yalnız onların liqa oyunlarındakı çıxışları və naliyyətləri olacaq. Oyunçuların digər çempionatlar və yığmalardakı uğurları nəzərə alınmayacaq.

Adları Şərəf zalına düşəcək oyunçuların 2020-ci ilin avqust ayınadək karyeralarını başa vurması da şərtdir.

Xatırladaq ki, 1992-ci ilədək hazırda Premyer Liqa adlanan turnir Futbol Liqasının Birinci Divizionu adını daşıyıb.