"Ukraynanın qələbəsi avtoritar Putin rejiminin məğlubiyyəti, humanizm dəyərlərinin qələbəsi deməkdir"

Zelenski əvvəllər rusiyalılara təqdim edilən mükafatın laureatı olub

Ukrayna prezidenti Vladimir Zelenski cəsarətinə görə 2022-ci ilin Boris Nemtsov mükafatının laureatı olub.

Moderator.az xəbər verir ki, bu barədə "Nemtsov Fondu"nun saytında məlumat verilib.

Rusiyanın Ukraynaya tammiqyaslı hərbi müdaxiləsindən sonra təşkilat bu mükafatı Ukrayna nümayəndələrinə də nominasiya etməyə qərar verib.

Namizədlər sırasında Kiyevin meri Vitali Kliçko, "Elza okeanı" qrupunun lideri Svyatoslav Vakarçuk, üç aydır Rusiya əsirliyində olan könüllü tibb işçisi Yuliya Payevskaya (şərti adı "Tayra"), Ukrayna prezidenti Ofisi rəhbərinin müşaviri Aleksey Arestoviç və başqa ukraynalılar olub.

Fondun təsisçiləri və Şurasının reytinq səsverməsinin yekunlarına görə, Ukrayna prezidenti Vladimir Zelenski qalib olub.

"Nemtsov Fondu Rusiyanın Ukraynaya qarşı təcavüzünü pisləyir. Boris Nemtsovun özü də Ukraynaya qarşı müharibənin əleyhinə çıxış edib. O, anlayırdı ki, Putin Ukraynaya qarşı müharibə törətmək istəyir, çünki bu ölkə Avropanın bir parçası olmaq istəyir.

Mən Ukraynaya tezliklə qələbə arzulayıram və bunu vətənpərvər mövqe hesab edirəm, çünki Ukraynanın qələbəsi avtoritar Putin rejiminin məğlubiyyəti, humanizm dəyərlərinin qələbəsi deməkdir", - Fondun həmtəsisçisi, 27 fevral 2015-ci ildə Moskvada qətlə yetirilən Nemtsovun qızı Janna Nemtsova deyib.

2016-cı ildən Fond bu mükafatı "ifadə azadlığı uğrunda mübarizəyə xüsusilə sadiq olan və siyasi, irqi və ya dini təqiblərə məruz qalanlara kömək edən" insanlara təqdim edir.

Ötən illərdə yalnız Rusiya vətəndaşları-siyasətçilərdən Aleksey Navalnı və Lev Şlosberq, vətəndaş cəmiyyətinin fəalları Konstantin Kotov, Anastasiya Şevçenko, Eldar Dadin və Nadejda Mityuşkina Boris Nemtsov mükafatıma layiq görülüb.