Rusiya Ukraynada hərbi əməliyyatların aparılması üçün suriyalıları cəlb edir.

Redaktor.az xəbər verir ki, bunu "The Wall Street Journal" yazır.

Məqalədə qeyd olunur ki, ABŞ tərəfinin məlumatlarına əsasən, 2015-ci ildən Suriyada hərbi əməliyyatlarda iştirak edən Rusiya oradan silahlılar cəlb edir və onların küçə döyüşlərində təcrübələri sayəsində Kiyevi ələ keçirməyə ümid edir.

Eyni zamanda, Suriyadan nə qədər silahlının cəlb olunması barədə dəqiq məlumat yoxdur, amma qeyd olunur ki, onlardan bəziləri artıq Rusiyadadır və münaqişəyə girməyə hazırdır.

"The Wall Street Journal" bildirir ki, məlumatlara əsasən, Rusiya altı ay müddətində "Ukraynada mühafizəçi qismində işləmək" üçün ölkədə könüllülərə 200-300 dolları təklif edib.

Bundan başqa, "Reuters" agentliyi Çeçenistan rəhbəri Ramzan Kadırova istinadən bildirir ki, Ukraynaya çeçen qüvvələri də göndərilib.

Məqalədə, həmçinin vurğulanır ki, əcnəbi silahlılar həm də Kiyev tərəfindən döyüşür. Ukrayna prezidenti Volodimir Zelenski 16 min əcnəbinin Ukrayna tərəfdən döyüşməyə hazır olduğunu bildirib.