Ukraynanın hakim partiyası bəyan edib ki, “Rusiya Donbas əhalisini deportasiya edir”; BBC xəbər verir ki, kütləvi köçürülmə 1 milyondan çox sakinini əhatə edə bilər

Rusiya və Ukrayna sərhədində qaçqınlar səbəbindən yaranmış gərgin vəziyyət davam edir. “Luqansk Xalq Respublikası”nın lideri Leonid Paseçnik bildirib ki, Rusiya Federasiyası insanları öz ərazisində yerləşdirməyə hazırdır. O, həmçinin kişiləri "LXR"-ı "müdafiə etməyə" çağırıb. Donetsk separatçılarının lideri Denis Puşilin də bildirib ki, “DXR” hakimiyyəti əhalinin kütləvi şəkildə Rusiyaya təxliyəsini təşkil edir. Puşilinin sözlərinə görə, “ilk növbədə qadınlar, uşaqlar və qocalar təxliyə edilir”.
Kütləvi evakuasiya xəbərindən sonra ilk dəqiqələrdə Kremldən bu barədə heç nə bilmədiklərini söyləyiblər. Rusiya Prezidentinin mətbuat katibi Dmitri Peskov “mən indi orada nə baş verdiyini bilmirəm” deyib, həmçinin əlavə edib ki, əhalinin köçürülməsinin Moskva ilə koordinasiya edilib-edilməməsindən xəbəri yoxdur.

Təxminən iki saat sonra məlum olub ki, Rostov vilayətinin qubernatoru Vasili Qolubev Vladimir Putinlə əlaqə saxlayaraq ondan kömək istəyib. Putin dərhal Fövqəladə Hallar Nazirliyinin rəhbəri vəzifəsini icra edən Aleksandr Çupriyanı Rostov vilayətinə getməyi və qaçqınların qəbulu üçün şərait yaratmağı tapşırıb.

Tanınmamış "xalq respublikaları" ndan Rusiyanın Rostov vilayətinə 80-dək avtobusla qaçqınlar gəlib. Bu gün səhər saatlarında olan məlumata görə, 6 minədək adam Rostov vilayətinə gəlib. Gələnlərin əksəriyyəti ana və uşaqları, eləcə də yaşlı adamlardır. Rusiya Fövqəladə Hallar Nazirliyi qərargah yaradıb. Rusiya hökuməti hər bir qaçqın üçün 10 min rubl maddi yardım ayırıb .

Orenburq vilayətinin qubernatoru Denis Pasler də bildirib ki, region təxliyə edilmiş sakinlərini qəbul etməyə hazırlaşır.


BBC xəbər verir ki, kütləvi evakuasiya Donbasın 700 min və ya 1 milyondan çox sakinini əhatə edə bilər. Bu səhər isə məlum olub ki, Donbas sakinləri qatarla da təxliyə olunmağa başlayıb. İlk qatar bu səhər saat 8-də Rostov istiqamətində yola düşüb. İkinci qatar saat 15:33-də yola düşəcək. Bundan başqa, saat 11:00 və 18:00-da dörd avtobus xəttə buraxılacaq.


Donbas sakinlərinin Rusiyaya kütləvi təxliyyəsi elan edildikdən dərhal sonra "DXR hökuməti" binası yaxınlığında UAZ hərbi maşını partladılıb. “DXR -in xalq milisləri”nin rəhbəri Denis Sinenkov “İnterfaks”a bildirib ki, partladılan onun maşınıdır. Partlayış nəticəsində xəsarət alan olmayıb. UAZ-ı kimin və niyə partlatdığı məlum deyil.

Ukrayna hakim "Xalqın xidmətçisi" partiyasının sədri Yelena Şulyak bəyan edib ki, “Rusiya Donbas əhalisini deportasiya edir” və onların həyatı üçün heç bir real təhlükə yoxdur. “Ukraynanın hərbi-siyasi rəhbərliyi Donbasda hücum əməliyyatları planlaşdırmır. Bunu isə Ukrayna Müdafiə Mazirliyinin Baş Qərargah rəisi Valeri Zalujnı deyib.


"Ukraynanın hərbi-siyasi rəhbərliyi ölkənin şərqində hücum əməliyyatlarını planlaşdırmır. Əraziləri işğaldan azad etmək üçün bizim üçün yeganə məqbul variant siyasi-diplomatik yoldur ", - o, Facebook-da videomüraciətində bildirib.


Gecə Luqanskda iki güclü partlayış səsləri də eşidilib. Məlum olub ki, partlayışlar qaz kəməri və yanacaqdoldurma məntəqələrində baş verib. "Luqanskqaz" şirkətinin baş direktoru Tatyana Boqorodko bildirib ki, hər iki halı təxribat-diversiya kimi qiymətləndirirlər.

Bakı vaxtilə saat gecə saat 02-də ABŞ prezidenti Ukraynadakı vəziyyətlə bağlı xalqa müraciət edib. Bayden deyib ki, Rusiya Ukraynanı müharibəyə cəlb etmək istəyir. Onun sözlərinə görə, Rusiyaya qarşı müttəfiqlərin ortaq mövqeyi qətidir və müharibə başlayacağı təqdirdə Moskva bunu görəcək. O söhbətin nədən getdiyini dəqiqləşdirməyib. O, rus qoşunlarının Ukrayna ilə sərhədlərin yaxınlığında qalacağına əmindir, bir neçə gün ərzində ölkəni işğal etməyi planlaşdırırlar. Bayden deyib ki, fevralın 24-də ABŞ dövlət katibi rusiyalı həmkarı ilə görüşməlidir. Əgər bu zamanadək Rusiya Ukraynaya hücum edərsə, bunun çox ağır bədəli olacaq. ABŞ prezidenti müharibədə əsgər kimi iştirakçı olmayacaqlarını, amma Ukrayna xalqına hər cür dəstək verəcəklərini deyib. ABŞ prezidenti Ukraynaya maddi dəstəyin davam edəcəyini də bəyan edib, konkret rəqəmlər səsləndirib.


Co Bayden Putinin müharibə etməkdə qərarlı olduğunu, amma diplomatik həll yollarının tükənmədiyini də əlavə edib.Jurnalistlərin suallarına qısa cavab verən Bayden gərginliyə baxmayaraq, Ukrayna prezidentinin Münhen Təhlükəsizlik Konfransında iştirak qərarına birmənalı fikir bildirməyib. Zelenski ilə çoxsaylı təmasları olduğunu deyib, Münhendə iştirakını onun şəxsi qərarı kimi izah edib. Bayden sonda deyib ki, Putinin nüvə silahından istifadə edəcəyinə inanmır.


Putin isə ehtiyatda olan Rusiya vətəndaşlarının 2022-ci ildə hərbi toplanışa çağırılması haqqında fərman imzalayıb.

Son xəbərlər

Trampın bu qərarı neftin qiymətini kəskin artıracaq

ÇL-də cavab görüşləri: 5 oyun...

Daxili işlər naziri xidmətə qəbulla bağlı növbəti sıra baxışı keçirib

Ukrayna 90-dan çox Rusiya şirkətinə sanksiya tətbiq etdi

ABŞ Qəzzada müharibənin bitməsi şərtini açıqladı

ABŞ-nin keçmiş dövlət katibi: "Ukrayna münaqişəsində dönüş nöqtəsi yaranıb"

Əliyevdən İranla bağlı açıqlama: Çox əla...

Suriya lideri Bakıda İsrail rəsmiləri ilə görüşüb

Əliyevlə Paşinyanın görüşü başladı

Şövkət Mirziyayevin Azərbaycana səfəri başa çatdı

Xankəndidə Zirvə görüşü: Prezident çıxış etdi

FTX-nin "Sputnik Azərbaycan"da çalışan iki əməkdaşı saxlanıldı

Rusiyada saxlanılan Azərbaycanlıların məhkəməsinin VAXTI BİLİNDİ

Türkiyə Bakı-Tbilisi-Qars layihəsinin səmərəliliyini artıracaq

Abadlaşan Ağdaş

Türkiyədə FETÖ ilə əlaqəli daha 361 nəfər saxlanıldı

İsrail mühüm məlumatı elan etdi

Fəda Abbasov monopolist Afər Hacıyevin işbirliyindən Məcnun Məmmədovun xəbəri varmı -TƏFƏRRÜAT

İran prezidenti ABŞ-yə xəbərdarlıq etdi

ABŞ-nin İrana zərbələri nəticəsində xəsarət alanlar var

İsrail ordusu İran dövlət televiziyasına zərbələr endirib

İsrail ordusu dron hücumlarının qarşısının alındığını bəyan edib

Xamenei İsrailə hücumdan bir saat əvvəl iclas keçirib

İraq İsraili BMT-yə şikayət etdi

Suriyada naməlum şəxslər təhlükəsizlik qüvvələrinə hücum etdi

Qrenlandiya münaqişə zonası olmamalıdır - Makron

Qvardiya olmasaydı, bu şəhər məhv olmuşdu - Tramp

Kiyevdə elektrik enerjisi kəsildi, minlərlə insan işıqsız qaldı

Bayramov BMT-nin Nayrobi ofisinin direktoru ilə görüşdü

Əliyevlə Tokayev bir-birini təbrik etdi

Pezeşkian Azərbaycana təyin olunan səfirlə görüşdü

Tramp İlham Əliyevi təbrik etdi

Laçında Üçtərəfli Zirvə görüşü keçirildi - Foto

Bütün xəbərlər