Böyük Britaniya, ABŞ, Almaniya, İtaliya, Polşa, Rumıniya, Fransa, Avropa Komissiyası və NATO liderləri yaxın günlərdə Ukrayna ətrafında böhranın həlli ilə bağlı diplomatik səyləri ikiqat artırmaq barədə razılığa gəliblər.

"Report" TASS-a istinadən xəbər verir ki, bu barədə Böyük Britaniyanın Baş naziri Boris Consonun adıçəkilən ölkələrin və təşkilatların rəhbərləri ilə onlayn görüşündən sonra yaydığı bəyanatda deyilir.

“Liderlər razılaşıblar ki, əgər Vladimir Putin gərginliyi azaltsa, irəliyə doğru başqa yol var və onlar yaxın günlərdə diplomatik səyləri ikiqat artırmağı öhdələrinə götürüblər”, - kommünikedə deyilir.

Conson Rusiyanın Ukraynaya hərbi müdaxiləsinin baş tutacağı təqdirdə böyük iqtisadi sanksiyalar paketinin vacibliyini vurğulayıb.