Türkiyə Prezidenti Rəcəb Tayyib Ərdoğan Avropa İttifaqı (Aİ) ölkələrinin Ankaradakı səfirləri ilə görüşdə Azərbaycanın Vətən müharibəsindəki qələbəsindən danışıb.

“Haber Global” məlumat verir ki, Ərdoğan Türkiyənin qardaş Azərbaycanı mübarizəsi boyu dəstəklədiyini bildirib.

O qeyd edib ki, Qarabağda 30 illik gecikmə ilə olsa da, ədalətin təzahür etməsi və bölgənin sabitləşməsi təmin olunub:

“ATƏT-in Minsk Qrupunun 30 ildə həll edə bilmədiyi problem 44 gündə həll edildi. Azərbaycanlı qardaşlarımız yenidən torpaqlarını qazandı”.