Gürcüstan və Azərbaycan Çexiya daxil Avropa İttifaqına üzv bir sıra ölkələrin iqtisadi və enerji təhlükəsizliyində mühüm rol oynayır.

Bu barədə Gürcüstan parlamentinin sədri Şalva Papuaşvili Praqada jurnalistlərə açıqlamasında bildirib.

Onun sözlərinə görə, Çexiya idxal etdiyi xam neftin 40%-ni Gürcüstan vasitəsilə Azərbaycandan alır.

“Bu yaxınlarda Çexiya ilə Azərbaycan arasında qaz təchizatı haqqında saziş imzalanıb. Bu qaz Gürcüstandan keçərək Çexiyaya çatacaq. Buna görə də Çexiya ilə münasibətlərimizin mümkün qədər sıx və dostcasına qalması vacibdir. Biz etibarlı tərəfdaşlığa sadiqliyimizi daim nümayiş etdiririk və Çexiya ilə güclü və konstruktiv tərəfdaşlığı davam etdirməkdən məmnunuq”, - deyə spiker əlavə edib.