Rusiyada yaşayan azərbaycanlı iş adamı Araz Ağalarov sahib olduğu şirkətlərin illik dövriyyəsini açıqlayıb.

Interxeber.az saytı axsam.az saytına istinadən bildirir ki, iş adamı “Crocus City”nin illik dövriyyəsi nə qədərdir” sualına belə cavab verib:

“İllik dövriyyəmiz 1 milyard dollardır. Amma bu rəqəm dəyişkəndir. Hər il dövriyyə bir az da artır. 2014-cü ildə “Tvoy dom” (“Sənin evin”) mağazalar şəbəkəsi yaratdıq. Bu il isə “Vegas” ticarət mərkəzini Nemçinovkada da açmağı düşünürük. Bu da gəlir gətirəcək. Daha sonra isə biz ofislər icarəyə verməyi planlaşdırırq.

Hər il yeni bir məkan açılır və gəlir artır. Dəqiq dövriyyəni demək çətin olur. “Crocus Group”un bütün layihələrini uğurlu hesab edirəm. Amma onlar bir-birindən fərqlənir. Məsələn, bizim 20 restoranımız var. Onlar hamısı gəlirlidir. Amma əlbəttə ki, onları “Tvoy dom”la müqayisə edə bilmərəm. Çünki bu məkanın gündəlik dövriyyəsi 75 milyon rubldur”.

A.Ağalarov yeni açacağı “Vegas”dan da danışıb:

“Onu inşa edəcəyimiz ərazidə bataqlıq var. İnsanlar zibillərini ora tökürlər. Hazırda o ərazidə təmizlik işləri aparırıq. Ümumiyyətlə, bataqlıqlar mənə uğur gətirir. “Crocus” bataqlıq üzərində qurulub. “Agalarov Estate” “Vegas” Kaşir şosesində bataqlıqda, iki stadionumuz da, həmçinin, bataqlıqda qurulub”.