Kubada yerləşən və ABŞ tərəfindən kiralanan Quantanamo həbs düşərgəsindən gələn məlumatlar dünyanı şoka salmağa davam edir. Interxeber.az Bizimyol.info-ya istinadən xəbər verir ki, həbsxanada olan Yəmən vətəndaşı Samir Naji Mukbel vəkili vasitəsiylə mətbuata şok məlumatlar ötürüb. 13 ildir bu qorxunc həbsxanada olan Samir, başına gələn dəhşətləri danışıb. Samir Usame Bin Ladinə işləməkdə günahlandırılır. Lakin ortada sübut yoxdur.

O, başına gələnləri belə danışıb:

"Hücrənın qapısı açılır. Yeni gün başlayır. Məni sorğu-suala tuturlar hər gün. Hər gün başağrıları ilə oyanıram. Yuxuya o qədər möhtacam ki, ayaq üstə çətinliklə dururam bəzən. Məni bir otağa aparırlar. Həmin otaqda yüzlərlə şəkil var. Onları tanıyıb-tanımadıqlarımı soruşurlar. O qədər halsızam ki, mən şəkildəkilərin kim olduqlarını seçə bilmirəm. Məni təkrar soyuq hücrəyə aparırlar. İlk gün mənə verilən yeməyi yemədim. Yeməyi başımdan aşağı tökdülər. Daha sonra içəri biri girdi və məni yerə uzadıb təpikləməyə başladı. Ağrılara dözmək çox çətindir və mən bundan sonra yemək yeyəcəyimi söylədim. Bundan sonra yeməyi yerə tökdülər və donuz kimi yerdən yeməyimi istədilər. Tualetə getməyimə isə icazə vermirlər. Onlar acıverici hala düşməyimi gözləyirlər. Altımı batıraçağım təqdirdə isə mənə təcavüz edəcəklərini dedilər. Onlar öz aralarında necə təcavüz edəcəklərini danışırdılar. Bu proses demək olar ki, tez-tez təkrarlanır. Hər gün ayağa qalxıb ABŞ bayrağını salamlayıram. Bunu mənə məcbur edirlər. Sonra onlar üçün rəqs etməyimi istəyirlər. Eləmədiyim günlərdə palçığın içində sürünməyə məcbur edirlər. Daha sonra isə başqa otağa aparılıram. Həmin otaqda isə bir sürü pornoqrafik şəkillər var. Onlar şəkilləri mənə göstərib heyvan səsləri çıxarmağımı istəyirlər. Daha sonra isə saqqalımı kəsirlər. Döydükdən sonra üstümə buz kimi su təkürlər. Özümə gələndən sonra isə yenə soğru-sual, yenə döyülmə və yenə buz kimi hücrə. Bu proses artıq uzun müddətdir təkrarlanır"