Slovakiya və Avropa Komissiyası Azərbaycandan qaz nəqlinin təşkili üzərində işləyir.

Bu barədə ölkənin Baş naziri Robert Fitso Feysbuk səhifəsində yazıb.

“Avropa Komissiyası ilə birlikdə alternativ - Azərbaycandan Slovakiyaya qaz idxalı üzərində işləyirik ki, bu da bir tərəfdən ölkəmiz üçün yaxşı, keyfiyyətli və təhlükəsiz qaz təchizatını, eyni zamanda daxili istehlakı təmin edər. Bununla yanaşı, qaz tranziti də tədricən bərpa oluna bilər”, - o bildirib.

Fitso qeyd edib ki, danışıqlar prosesinin tezliklə yaxşı xəbərlər gətirəcəyinə ümid edir.