Cüdoçularımız bu gün də uğursuz çıxış etdi » İnterxəbər.Az
interxeber.az » İdman » Cüdoçularımız bu gün də uğursuz çıxış etdi


Cüdoçularımız bu gün də uğursuz çıxış etdi

9-06-2021, 16:30
Oxunub: 335
Çap et
Hazırda Azərbaycan ümumi hesabda 10-cu yerdədir

Bu gün daha iki cüdoçumuz Macarıstanın paytaxtı Budapeştdə keçirilən dünya çempionatında mübarizə aparıb.

AzNews.az-a istinadən xəbər verir ki, 81 kq çəki dərəcəsində çıxış edən Zelim Tkçayev 1/64 finalda Terense Kouamba (Qabon), ardınca isə Fetra Ratsimizivanı (Madaqasqar) mübarizədən kənarlaşdırsa da, Şarofiddin Boltaboyevə (Özbəkistan) uduzub.

Eyni çəkidəki Murad Fətiyev 1/32 finalda Elliot Konnoliyə (Yeni Zelandiya) qalib gəlsə də, növbəti raundda İvaylo İvanovla (Bolqarıstan) bacarmayıb.

Qeyd edək ki, daha əvvəl Kəramət Hüseynov (60 kq) bürünc medal qazanıb, Orxan Səfərov (66 kq) və Hidayət Heydərov (73 kq) 5-ci yeri tutub. Hazırda Azərbaycan ümumi hesabda 10-cu yerdədir.
Reytinq: