Abadlaşan Hacıqabul – Yaşıllığın yeni siması

Son illərdə ölkənin sosial-iqtisadi inkişaf proqramı Hacıqabul rayonuna da yeni nəfəs gətirib. Bu dəyişikliklər rayonun simasını gözəlləşdirir, insanların gündəlik həyatına rahatlıq və ümid bəxş edir. Daxili yolların təmiri, yaşayış massivlərinin abadlaşdırılması artıq hər kəsin diqqətini cəlb edir.

Xüsusilə rayonun giriş hissəsində geniş ərazidə salınmış yaşıllıq sahəsi Hacıqabulun yeni simasına çevrilib. Bu işlər Hacıqabul Rayon İcra Hakimiyyətinin təşəbbüsü və Yaşıllaşdırma İdarəsinin zəhməti ilə həyata keçirilib. Yaşıllıqlar rayona gələn qonaqlarda xoş təəssürat yaradır, sakinlərə isə daha sağlam və gözəl mühit bəxş edir.

Hacıqabul bu gün inkişafın, abadlığın və gözəlliyin ünvanıdır. Burada hər yeni layihə insanlara “gələcək daha parlaq olacaq” mesajını verir.