Dünyanın ən məşhur cütlüyü Yunanıstanda ada alır. Bu günlərdə 40 yaşı tamam olan Hollivud ulduzu Ancelina Coli və əri Bred Pitt özlərinə möhtəşəm bir hədiyyə etməyə hazırlaşırlar.

Cütlük Yunanıstandakı Qayya adasını almağa hazırlaşır. Adanın sahəsi 17,5 hektardır. Orada 6 böyük villa inşa etmək olar.

"Washington Post"un yazdığına görə, bu alış verişin qiyməti 4,5 milyon dollar civarındadır.

"Ancelina adaya aşiq olub. Düzdür onun inkişafına və şəraitin yaradılmasına da çox vəsait lazım olacaq. Amma arzularının villasını inşa etmək üçün onların problemi olmayacaq. Nəhayət ki, uşaqların paparatzilər olmadan sərbəst şəkildə istirahət etmək imkanı olacaq", deyə qəzetin mənbəsi olan cütlüyə yaxın şəxs bildirib.

Xatırladaq ki, A.Coli bir müddət öncə Yeni Orleandakı evlərini satışa çıxarıblar. Onlar mülk üçün 6,5 milyon dollar istəyirlər.