Bakıda yoxa çıxdığı deyilən gənc qız tapılıb.

Interxəbər xəbər verir ki, bu barədə məlumatı Qafqazinfo-ya Lənkəran rayon Təhsil Şöbəsinin müdiri Şəhanə Əhmədova verib.

O bildirib ki, Şəbnəm Abbasova imtahana gedən zaman yolda yıxılıb, ayağı zədələnib: “Mən atası ilə əlaqə saxladım, evindədir və itkin düşməsi ilə bağlı bir məlumat yoxdur. Ayağı zədələndiyi üçün müsahibədə iştirak edə bilməyib”.

Xatırladaq ki, Lənkəran sakini, 1992-ci il təvəllüdlü Şəbnəm Nazim qızı Abbasovanın itkin düşməsi barədə polisə məlumat daxil olub.

Ş. Abbasova müəllimlərin işə qəbulu üzrə müsahibədə iştirak etmək üçün avqustun 24-də Bakı şəhərinə gəlib və həmin gündən yoxa çıxdığı bildirilmişdi.

10:11

Lənkəran sakini Bakıda itkin düşüb.

Interxəbər xəbər verir ki, Nərimanov rayon Polis İdarəsindən APA-ya verilən məlumata görə, Lənkəran rayon sakini, 1992-ci il təvəllüdlü Şəbnəm Nazim qızı Abbasovanın itkin düşməsi barədə polisə məlumat daxil olub.

Məlumata görə, Ş. Abbasova müəllimlərin işə qəbulu üzrə müsahibədə iştirak etmək üçün avqustun 24-də Bakı şəhərinə gəlib və həmin gündən yoxa çıxıb.

Daxil olan məlumat əsasında axtarışlara başlanıb.