Fransa hökuməti 2027-ci il dövlət büdcəsi haqqında qanun layihəsinin gəlirlərə həsr olunmuş birinci hissəsi üzrə səsverməni təxirə salıb.

İNTERXƏBƏR AZƏRTACa istinadən xəbər verir ki, Milli Assambleyada bir həftə davam edən müzakirələr oktyabrın 27-də bərpa olunacaq.

“Le Monde” qəzetinin məlumatına görə, Milli Assambleyada baxış başa çatdıqdan sonra büdcə layihəsi deputatlar tərəfindən qəbul edilib-edilməməsindən asılı olmayaraq, Senata göndəriləcək.

Oktyabrın 9-da parlamentin Maliyyə Komissiyası tərəfindən böyük ölçüdə rədd edilən 89 maddədən ibarət büdcə layihəsi dövlət kəsirinin məhdud şəkildə azaldılmasını nəzərdə tutur. Məqsəd kəsiri ümumi daxili məhsulun (ÜDM) 5,4 faizindən 5 faizinə endirməkdir. Bununla belə, Baş nazir Sebastyən Lökornünün açıqladığı perspektivlərə görə, bu hədəfə çatmaq mümkün olmaya bilər.

Bundan əlavə, nəzərdə tutulan göstərici Avropa İttifaqının müəyyən etdiyi ÜDM-in 3 faizi həddindən xeyli yüksəkdir. Dövlət kəsirinin və borcunun azaldılması hökumət üçün əsas prioritetlərdən biri olaraq qalır.

Milli Assambleyada çoxluğun olmaması büdcənin qəbulunu qeyri-müəyyən edir. Müxtəlif mövqelərə malik müxalifət qüvvələri ilə razılığa gəlmək zərurəti və yaxınlaşan prezident seçkiləri büdcə danışıqlarını daha da mürəkkəbləşdirə bilər