ABŞ hərbçiləri Suriyaya endirdikləri zərbə nəticəsində İŞİD terror qruplaşmasının liderlərindən birini məhv ediblər.

Bu barədə ABŞ Silahlı Qüvvələrinin Mərkəzi Komandanlığının (CENTCOM) bazar günü yaydığı məlumatda deyilir.

“Mərkəzi Komandanlıq Suriyada İŞİD-in ölkə lideri Usamə əl-Muhaciri öldürüb. Zərbə zamanı mülki əhalinin öldüyünə dair heç bir dəlil yoxdur. Koalisiya mülki şəxslərin xəsarət alması ilə bağlı xəbərləri araşdırır”, - deyə məlumatda bildirilib.

Qeyd olunur ki, zərbə MQ-9 pilotsuz uçuş aparatı ilə həyata keçirilib.

Mənbə: Haber Global