Nigeriyanın cənub-şərqindəki Anambra əyalətində ABŞ səfirliyinin əməkdaşlarına silahlı hücum olub.

Humanitar yardım məqsədilə Anambra əyalətində olan ABŞ səfirliyinin əməkdaşları Oqbaru bölgəsində hücuma məruz qalıblar.

İlkin məlumata görə, hadisə nəticəsində 4 nəfər həyatını itirib, çoxlu sayda yaralı var. Bölgəyə təhlükəsizlik qüvvələri göndərilib.

Həmçinin ABŞ-nin Abuca səfirliyindən verilən açıqlamada bildirilib ki, hadisənin tam şəkildə araşdırılması üçün səfirliyin işçiləri Nigeriya təhlükəsizlik rəsmiləri ilə əməkdaşlıq edirlər.