Meksika Prezidenti Andres Manuel Lopez Obrador Pentaqonu casusluq etməkdə ittiham edib.

Bu barədə "Reuters" agentliyi məlumat yayıb.

ABŞ Hərbi Dəniz Qüvvələri ilə Meksika Ordusu arasında yaranan gərginlik fonunda prezident milli təhlükəsizliyi qorumaq üçün ordudan alınan məlumatları məxfiləşdirməyə başlayacağını bildirib.

"İndi Hərbi Dəniz Qüvvələri və ABŞ Müdafiə Nazirliyindən məlumatları qoruyacağıq, çünki biz Pentaqonun casusluğunun obyektiyik".

Pentaqon qeyd edib ki, ABŞ Müdafiə Nazirliyinin Meksika Ordusu və Hərbi Dəniz Qüvvələri ilə güclü müdafiə tərəfdaşlığı var, təşkilatlar bir-birinin suverenliyinə və müvafiq xarici siyasət gündəmlərinə hörmət edərək ümumi problemləri həll edir.//report