Uşaqların geyindikləri paltarların gigiyenası olduqca vacib məsələdir

Uşaqların geyindikləri paltarların gigiyenası olduqca vacib məsələdir. Gigiyena isə paltarların düzgün yuyulmasından çox asılıdır.Çünki düzgün yuyulmayan paltar uşağın dərisində bir sıra fəsadlar əmələ gətirə bilər.

Hər kəs körpəsinin paltarını fərqli üsulla təmizləyir.Ancaq özləri də bilmədən uşaqları təhlükə altına atırlar.

Körpənin sağlamlığı onun geyindiyi paltarların təmizliyindən çox asılıdır. Bəzən əhəmiyyət verilməyən paltar gigiyenası əslində uşağın səhhətində bir sıra ciddi fəsadlara yol aça bilər.

Körpənin dərisi həssas olduğundan geyimlərin təmizlənməsi zamanı istifadə olunan yuyucu maddələr düzgün seçilməzsə, bu zaman uşaqların boyun və qoltuq nahiyyələrində, həmçinin dizaltı çökəklərində allergik xarakterli səpgilər əmələ gəlir.

Mütəxəssislərin sözlərinə görə, uşaq paltarlarının yuyulmasında ən çox diqqət edilməli məqam yuyucu tozun seçilməsidir. Bəzən valideynlər dədə-baba üsulu ilə uşaqların paltarlarını qara sabunla yuyurlar ki, bu da onların dərisində əks reaksiyaya səbəb ola bilər.