Rusiyanın sərt xətt tərəfdarı olan yuxarı dairələri Prezident Vladimir Putini diplomatiyadan imtina etməyə və nüvə zərbəsinə keçməyə çağırıblar.

Bu barədə “Röyters” mənbələrə istinadla məlumat yayıb.

“Moskvadakı sərt xətt tərəfdarları Ukraynanın pilotsuz təyyarələrinin hücumlarından qəzəbləniblər. Onlar həm də narazıdılar ki, ABŞ vasitəçilik etmək və Rusiya üçün əlverişli şərtlərlə müharibəyə son qoymaq vədini yerinə yetirməyib”, - məlumatda qeyd olunub.