Fransa İnkişaf Agentliyi Ermənistana 250 milyon avro kredit xətti ayıracaq.

Bu barədə Ermənistan mediası məlumat yayıb.

Məlumata görə, müqavilə oktyabrın 1-də keçirilən Ermənistan hökumətinin iclasında təsdiqlənib:

“Bu, Fransa İnkişaf Agentliyi və Asiya İnkişaf Bankının birgə maliyyələşdirdiyi yeni üçillik proqram çərçivəsində həyata keçirilən ilk alt proqramdır. Vəsait büdcə kəsirinin maliyyələşdirilməsinə yönəldiləcək. Kredit borcalanın seçimindən asılı olaraq 5,12% dəyişən faiz dərəcəsi ilə və ya sonradan hesablanacaq sabit faiz dərəcəsi ilə təqdim ediləcək. Əsas borc məbləği 30 bərabər yarımillik ödənişlə qaytarılacaq. Kreditin müddəti 20 il, güzəşt müddəti isə 5 il olacaq”.