Amerika hərbçiləri Venesuela lideri Nikolas Maduronun ələ keçirilməsi əməliyyatı zamanı naməlum, güclü bir silahdan istifadə ediblər.

Bu barədə “Nyu York Post” qəzeti Venesuela liderinin təhlükəsizlik xidmətinin əməkdaşının ifadəsinə istinadla məlumat yayıb.

Onun sözlərinə görə, ABŞ əsgərləri venesuelalıların radar sistemlərini söndürməklə, müqavimət mərkəzlərini basmaqla və dronlarla mövqeləri atəşə tutmaqla onları asanlıqla kor edə biliblər.

"Birdən bütün radar sistemlərimiz heç bir izahat olmadan qaraldı. Növbəti gördüyümüz şey mövqelərimizin üzərindən uçan çoxsaylı dron oldu. Necə reaksiya verəcəyimizi bilmirdik”, - o bildirib.

O vurğulayıb ki, bundan sonra səmada Amerika xüsusi təyinatlılarını daşıyan helikopterlər peyda oldu:

“Onlar daha güclü silahlarla silahlanmışdılar. Bir anda onlar güclü səs dalğası yaradan nəsə atdılar və başımın içəridən partladığını sandım. Ətrafdakıların burunlarından qan açıldı və qan qusmağa başladılar. Bu, bizi ayağa qalxa bilməyəcəyimiz vəziyyətə saldı”.

Qeyd edək ki, yanvarın 3-ü ABŞ hərbi qüvvələri Venesuelanın paytaxtı Karakasda və ətraf ştatlarda 11 strateji hədəfə genişmiqyaslı zərbələr endirib. Xüsusi təyinatlılar isə ölkə Prezidenti Nikolas Maduro və xanımı Silia Floresi ələ keçirilərək, Nyu Yorka aparıb.