Beynəlxalq Diaspor mərkəzinin dəvəti ilə bu ilin iyul ayında İsrailin Baş nazirinin beynəlxalq məsələlər üzrə köməkçisi, İsrail Beynəlxalq Təhlükəsizlik Cəmiyyətinin və İsrail Beynəlxalq Diplomatiya Mərkəzinin sədri Mendi Safadi ölkəmizdə səfərdə olub

Mərkəzdən verilən məlumata görə, səfər çərçivəsində israilli qonaq BDM və digər təşkilatlar tərəfindən təşkil edilmiş bir sıra tədbirlərdə və görüşlərdə iştirak edib.

O, ölkəmizin iqtisadi-siyasi inkişafı ilə bağlı yaxından tanış olub.

Mendi Safadı BDM-in ofisində mərkəzin rəhbərliyi ilə görüş keçirilib və BDM tərəfindən İsrailli qonağa ölkəmiz haqqında, xüsusi ilə Ermənistanın işğalı və xalqımıza qarşı həyata keçirilmiş soyqırım və deportasiya haqqında geniş məlumat verilib. İsrail Beynəlxalq Təhlükəsizlik Cəmiyyəti və Beynəlxalq Diaspor Mərkəzi arasında əməkdaşlığa dair Mendi Safadi və İsmayıl Ağayev tərəfindən memorandum imzalanıb.

Qeyd edək ki, İsrail baş nazirinin köməkçisi ölkəsinə döndükdən sonra Azərbaycanla bağlı xoş və yüksək təəsürratlar barəsində açıqlama verib. O, açıqlamasında Azərbaycanın regional ticarət və enerji ehtiyatları baxımından əhəmiyyətli respublika olduğunu və Avropa üçün ciddi tərəfdaş kimi dəyərləndirib. O Dağlıq Qarabağ probleminə də toxunaraq Azərbaycan dövlətinin və onun prezidenti İlham Əliyevin sülh çağırışlarına baxmayaraq Ermənistanın hələ də işğalçı siyasətini yürütdüyünü bildirib. Mendi Safadi müsahibəsində müsəlman türk ölkəsi olan Azərbaycanın bütün dinlər üçün yaşanılan ən rahat ölkə olduğunu və 1500 ildən bəri bu ölkədə yəhudilərin xoş və firavan yaşadığını qeyd edir.