Nigerin üsyançılar tərəfindən təyin edilmiş keçid hökumətinin başçısı Əli Lamin Zeyn iddia edib ki, Fransa Afrika ölkəsinin yeni hakimiyyət nümayəndələrini öldürmək üçün plan hazırlayıb.

“Fransa digər düşmənlərimizlə birlikdə ölkənin nazirlərini və rəhbərliyinin nümayəndələrini öldürmək üçün plan hazırlayıb. Fransa Nigerdə vəziyyəti gərginləşdirmək üçün öz vasitələrindən istifadə edir”, - o bildirib.

Xatırladaq ki, iyulun 26-da Nigerdə ​​prezident qvardiyasının bir qrup hərbi qulluqçusu qiyam qaldıraraq prezident Məhəmməd Bazumun vəzifəsindən uzaqlaşdırıldığını elan edib. Yeni hakimiyyət Fransa ordusunun ölkədə yerləşdirilməsini pisləyib və kontingentin çıxarılmasını tələb edib.

Mənbə: TASS