Müzəffər Ali Baş Komandan və ordumuzun böyük zəfərindən sonra növbəti addım Qarabağın inkişafı və yenidən dirçəldilməsi oldu. Son 2 ildə işğaldan azad olunan torpaqlarımızda dünyaya səs salan böyük işlər görüldü. Xüsusilə də, bütün mediyanı zəbt edən Zəngilan hava limanının açılışını vurğulamaq lazımdır.

Zəngilan Hava Limanının açılışı bütün dünyaya verilən siyasi mesaj idi





















Cənubi Qafqazda Zəngilan hava limanının fəaliyyət göstərməsi Şərqi Zəngəzur, Qarabağ bölgəsində, bütövlükdə ölkədə turizmin,  iqtisadiyyatın,  tranzit yükdaşımaların, nəqliyyat-kommunikasiya infrastrukturunun inkişafına böyük dəstək göstərəcək. Müasir beynəlxalq standartlara uyğun hazırlanan və quraşdırılmış, yeni avtomatlaşdırılmış Phoenix sisteminin tətbiqi uçuşların təhlükəsizliyinin  təmin edilməsinə də zəmin yaradacaq.

Qeyd etmək lazımdır ki, Zəngilan hava limanı Azərbaycanın bölgədə və beynəlxalq aləmdə mövqeyini möhkəmləndirərək, nüfuzunu daha da artıracaq. Azərbaycan Respublikasının Prezidenti İlham Əliyev və Türkiyə Prezidenti Rəcəb Tayyib Ərdoğanın Zəngilan hava limanının açılışını birlikdə etmələri həm siyasi, həm də qardaşlıq cəhətdən dünyaya bir mesaj idi. Növbəti açılış mərasiminin Zəngəzur dəhlizi üçün keçirilməsi artıq, çox yaxın gələcəkdir.


Tural Nurməmmədov, "Qeyd Sosial-Maarifləndirmə" İctimai Birliyinin sədri