"Münaqişə ilə əlaqədar ölkəni tərk edən qaçqınların sayı milyonlarla ola bilər."

Redaktor.az xəbər verir ki, bunu Britaniyanın Baş naziri Boris Conson deyib.

Baş nazir əlavə edib ki, Böyük Britaniya 200 mindən çox ukraynalını qəbul etməyə hazırdır.

BMT-nin Qaçqınlar üzrə Ali Komissarlığı Rusiyanın hücumları ilə əlaqədar əksəriyyəti qadın və uşaq olmaqla 660 mindən çox insanın Ukraynanı tərk etdiyini açıqlayıb.

Komissarlığın sözçüsü Şabia Mantu Cenevrədə keçirilən görüşdə Ukraynanı tərk etməyə çalışan insanların Polşaya daxil olmaq üçün 60 saat sərhəddə gözlədiklərini, Rumıniya sərhədində isə 20 kilometrlik növbənin yarandığını bildirib.