BMT baş katibi Antoniu Quterreş Rusiya və Ukrayna arasında eskalasiyadan narahatdır.

“Report”un yerli bürosu xəbər verir ki, bunu BMT baş katibinin sözçüsü Stefan Dujarrik keçirdiyi mətbuat konfransında bildirib.

"Quterreş tərəfləri dialoqa çağırmaqda davam edir”, - Dujarrik vurğulayıb.

Sözçü əlavə edib ki, Quterreş yanvarın 21-də Cenevrədə Rusiya xarici işlər naziri Sergey Lavrov və ABŞ dövlət katibi Entoni Blinken arasında keçiriləcək görüşün gərginliyi azaldacağına ümid edir.