Türkiyənin xarici işlər naziri Mövlud Çavuşoğlu Böyük Britaniya mətbuatında Türkiyə və Pakistanda Əfqanıstan qaçqınları üçün mərkəzlər qurulacağı barədə yayılmış xəbərlərə münasibət bildirib.

“Report” “TRT Haber”ə istinadən xəbər verir ki, nazir bu barədə uruqvaylı həmkarı ilə keçirdiyi birgə mətbuat konfransında danışıb.

“Bu cür xəbərlər həqiqətəuyğun deyil. Xəbərdə bəhs edilən məlumatlar Böyük Britaniya Müdafiə Nazirliyi tərəfindən heç bir şəkildə deyilməyib. BBC səhvini başa düşdü və üzr istədi”, - Çavuşoğlu bildirib.