Azərbaycan eyni vaxtda iki böhrandan çıxmaq istəyir» STRATFOR: Rusiya ilə Qərb arasında qarşıdurma Azərbaycan üçün energetika sahəsində böyük imkanlar açır, ancaq siyasi risklər də var
ABŞ-ın özəl kəşfiyyat araşdırmaları mərkəzi, Mərkəzi Kəşfiyyat İdarəsinin (MKİ) “kölgə” strukturu hesab edilən STRATFOR Azərbaycana dair hesabatla çıxış edib. (Virtualaz.org) Təşkilatın saytının yaydığı məlumata görə, hesabata əsasən Azərbaycan eyni vaxtda iki, ancaq bir-birindən asılı olmayan böhrandan çıxmaq istəyir.

Bunlardan biri dünya bazarlarında neftin qiymətinin düşməsi, digəri isə Ukraynaya görə Rusiya ilə Qərb arasında qarşıdurmadır. Bu böhranlar ölkənin energetika sahəsinin və geniş mənada strateji vəziyyətinin gələcəyini müəyyən edəcək.

“Bakı avropalılar üçün alternativ enerji mənbəyi kimi getdikcə artan cəlbediciliyindən fayda götürməyə, regionun digər enerji istehsalçılarından fərqli olaraq ondan daha yaxşı istifadə etməyə çalışır. Bununla belə Bakı enerji layihələrinə dair qərarların qəbul edilməsi prosesində hələ maliyyə və siyasi məhdudiyyətlərlə üzləşir, müvafiq olaraq diplomatik manevrlər edir” - deyə hesabatda bildirilir.

STRATFOR qeyd edir ki, Azərbaycanda neft hasilatının azalması nəticəsində ümumi daxili məhsul (ÜDM) artımı yavaşlasa da qeyri-neft sektoru üzrə ÜDM artımı sürətlənib. Eyni zamanda ölkənin strateji valyuta ehtiyatları iqtisadiyyatı dəstəkləməyə imkan verir.
Buna baxmayaraq Azərbaycan neftin ucuzlaşmasının neqativ nəticələrini hiss etməyə başlayıb. Mərkəzi Bank manatın dollarla indeksasiyasından imtina edib və bu da dolların qismən bahalaşmasına səbəb olub.

Hesabata əsasən bu il neftin qiyməti 55 dollar səviyyəsində qalsa, Azərbaycan iqtisadiyyatında artım 1,9 faiz olacaq. Bu, regionun neftdən asılı digər ölkələrinə nisbətən yaxşı göstəricidir. Məsələn, proqnozlara görə, Rusiyada ÜDM artmayacaq, iqtisadi geriləmə 3-5 faiz təşkil edəcək.
“Bu arada Ukrayna böhranı növbəti dəfə Avropanın Rusiyadan enerji asılılığının nə dərəcədə riskli olduğunu göstərib. Bu da Azərbaycan üçün əlavə imkanlar açıb. Azərbaycanın Avropa üçün alternativ enerji mənbəyi kimi cəlbediciliyi xeyli artıb”- deyə MKİ-nin “kölgəsi” bildirir.
Hesabata əsasən Azərbaycan ötən iki onillikdə Avropa üçün etibarlı enerji tərəfdaşı olduğunu sübut edib. İndi isə “Cənub qaz dəhlizi” ilə Avropaya ildə 10 milyard kubmetr qaz nəql etməyə hazırdır: “Rusiya ilə Qərb arasında qarşıdurma Azərbaycan üçün energetika sahəsində böyük imkanlar açır, ancaq siyasi risklər də var”.

STRATFOR xatırladır ki, Yunanıstanda hakimiyyətə gələn radikal solçular TAP kəmərinə dair razılaşmaya yenidən baxılmasına çağırırlar. Azərbaycan isə bu tələbi rədd edir.

“Azərbaycan həmçinin öz qonşusunu kənara itələməmək üçün Rusiya ilə iqtisadi və enerji münasibətlərini saxlayır. Bakı bütün bu layihələr arasında diqqətlə manevr etməyə çalışır, onları siyasi həssaslıq baxımından və kommersiya sərfəliliyi baxımından nəzərdən keçirir. Həmçinin nəzərə alınır ki, neftin qiymətlərinin aşağı olması bu layihələri ləngidə bilər” - deyə hesabatda bildirilir.
STRATFOR-un hesabatında deyildiyinə görə, Azərbaycan Ermənistanla müharibəyə girərək onun müttəfiqi Rusiyaya “əlcək atmamaq”da ehtiyatlı olmalıdır. Təşkilat hesab edir ki, indi Rusiyanın başı Ukrayna böhranına qarışsa da Bakı hər halda Ermənistanla birbaşa toqquşmadan çəkinməlidir.
Nəhayət, hesabatda qeyd edilir ki, Ukraynada Yanukoviçin devrilməsindən sonra bir sıra keçmiş sovet respublikalarında da nümayişlər və müxalifətin fəallaşması müşahidə olunur. Azərbaycan da istisna deyil. Ancaq Azərbaycanda bəzi müxalif qruplar aksiyalar keçirsə də onların aksiyalarına çox az sayda adam qatılıb.

“Azərbaycan hakimiyyəti öz idarəçiliyinə qarşı hər hansı ciddi təhdid qarşısında deyil və bu da ona Rusiya ilə Qərb arasında balanslı siyasət yürütməkdə əlavə üstünlük verir. Azərbaycan eyni vaxtda bir neçə böhranın, eyni zamanda siyasi və maliyyə risklərinin öhdəsindən gəlməyə çalışmaqda davam edəcək” - deyə Amerika kəşfiyyatının “kölgəsi” bildirir.

Son xəbərlər

Zaxarova: "Rusiya-Ermənistan münasibətlərinin pozulmasına çox cəhdlər olub"

Universitetlərə qəbul planının sayı açıqlandı

Azərbaycan-Misir münasibətləri qədim tarixi köklər əsasında inkişaf edib.

Fransa müxalifətindən Makrona qarşı BİRLİK ÇAĞIRIŞI

Azərbaycan-Misir münasibətləri inkişafının yeni mərhələsinə qədəm qoyub

Azərbaycan və Türkiyə prezidentləri Ankaranın Esenboğa Hava Limanında görüşüblər

Misirin dəstəyi ilə Azərbaycan dörd il ərzində Qoşulmama Hərəkatına sədrlik etmişdir

İlham Əliyev: "Macarıstan Avropa İttifaqındakı bir nömrəli tərəfdaşımızdır"

ABŞ-Azərbaycan: Ağ Ev "təmas xətti"ni dəyişmək istəyir

İraq və Suriyanın şimalında 16 PKK terrorçusu zərərsizləşdirilib

Hikmət Hacıyev mina qurbanlarının son sayını açıqlayıb

Makron Rusiyaya hərbi zərbələri dəstəklədi

G7 İrana çağırış etdi

Milli Məclis İlham Əliyev və Mehriban Əliyevanı Müstəqillik Günü münasibətilə təbrik edib

Makron Yeni Kaledoniyaya səfər edib

İlham Əliyevin Emoməli Rəhmon ilə təkbətək görüşü başlayıb

Azərbaycan nefti ucuzlaşıb

Prezident İlham Əliyev Volodimir Zelenski ilə regional təhlükəsizlik məsələlərini müzakirə edib

Notarius Daxil Kərimovun fırıldaqlarını kim ifşa edəcək?

Rəisinin ölümü Xameneinin oğluna yol açdı

İlham Əliyev Rəisinin ölümü ilə bağlı başsağlığı verdi

Tehranda təhlükəsizlik səviyyəsi artırılır

İranın vitse-prezidenti Rəisinin helikopterinin qəzaya uğradığı yerə gedib

Rusiya Ukraynada yaşayış məntəqəsində nəzarəti ələ alıb

Azərbaycan və Belarus prezidentləri Şuşada birgə nahar ediblər

Belarus Prezidenti Aleksandr Lukaşenko ulu öndər Heydər Əliyevin məzarını ziyarət edib

Ceyhun Bayramov Belarusun xarici işlər naziri ilə görüşüb - FOTO

Estoniya hökuməti Ukraynaya qoşun göndərəcək?

Rusiya sərhədçiləri Zəngəzurda keçid məntəqələrini bağlayırlar

İlham Əliyev şuşalılarla görüşdə şəhərdəki tarixi abidələrin bərpasından danışıb

Ulu öndər Heydər Əliyevin anadan olmasının 101-ci ildönümüdür

Peskov: “Rusiya sərhədçiləri Ermənistan-Türkiyə və Ermənistan-İran sərhədində qalacaqlar”

İlham Əliyev və Mehriban Əliyeva Həzi Aslanovun məzarını ziyarət ediblər - FOTO

Bütün xəbərlər